فارس: بس احنا مش بنحب بعض، دي وصية جدو لازم تتنفذ.
ميرال: فارس أنا عارفه انت بتحترم جدو قد اي بس أنا معرفكش ومعرفش أساسًا هسيب إيطاليا ازاي وأعيش هنا أنا جيت هنا بس عشان خاطر بابي.
فارس: ميرال احنا هنفذ الوصية برضاكي أو غصب عنك عشان كل العيله واقفه كده علشان خاطر رأي الهانم.
ميرال: اوكي أنا موافقة بس هيبقى جواز سوري على الورق بس وملكش حق في انك تدخل في اي حاجة في حياتي.
فارس: موافق بس طبعًا اي تصرف غلط هتتحاسبي عليه وتعملي حسابك انك هنا مصر وإيطاليا.
ميرال بمقاطعه: مش محتاجه ولا مستنيه حد يعرفني الصح والغلط وأنا عارفه حدودي حتى لو جايه من إيطاليا ثم ذهبت و تركته.
بعد مرور شهر في يوم الزواج الجمله المشهوره بارك الله لكما وبارك عليكما وجمع بينكما في خير غمضت عيني وراسي بدور فيها ألف حاجه مكنتش أتمنى أن اليوم اللي بحلم بيه طول حياتي يبقى كده أنا البنت المتحرره اللي طلما هما شافوها كده ونسيو اني عندي مشاعر ونفسي احب زي بقيه البنات فوقت على صوته وهو بينادي عليا للمره مش عارفه الكام بصيتله بتوهان وتعب رغم اني معملتش اي مجهود بس التفكير صعب: نعم؟
فارس بهدوء: احنا لازم نتكلم.
ميرال بعصبيه متعرفش سببها بس حاسه انه السبب في كل حاجه: احنا مفيش بينا كلام احنا اتفقنا على كل حاجه معدش في كلام واتجهت لتذهب ولكنها توقفت على مسكته لزراعها بقوه.
فارس بعصبيه مسك ايدها: انا لما أكلمك متعليش صوتك عليا تاني واحترمي حالك ولتاني مره بقولك احنا هنا في مصر تصرفاتك تتعدل انتي فاهمه؟
لم تتحمل ميرال الصمود انهارت على الأرض باكيه وتحدثت بآلم: انا محترمه غصب عنك انا قلتلك ميت مره انا مش محتاجه تقولي الصح من الغلط أنا أنا مش البنت الدلوعة اللي عاشت عمرها كلها في إيطالي ومتعرفش تفرق بين الصح والغلط لا لا مش انا انا مجرد بنت باباها ومامتها انفصلو وهي صغيره واضطرت انها تسافر مع امها عشان عيله باباها اللي مش متقبلنها عشت عشر سنين جنب ماما اه كانت بتحبني بس مكنتش بتهتم بيا ولما ماتت باباها جبلها مربية عشان تربيها عشان برضو مش عارف ياخدها معاه زي اي اب وبنته انا بنت محلمتش غير بشخص يحبني ويعوضني عن كل حاجه مريت بيها وفي الاخر حياتي تقف عند وصيه جدي المصون اللي مكنش معترف بيا وانفذها ثم جلست منهاره وقالت بصوت ضعيف عايزني اعمل ايه ها؟ ثم صمتت ولم يبقى سوا صوت شهقاتها وبكائها.
جلس فارس بجوارها وشعر بالذنب تجاهها لا يعرف ولكنه رأى انها لم يكن عليها تحمل كل هذا امسك يدها وحاول تهدئتها و قال: اهدي ميرال خلاص انا اسف صدقيني مكنتش اقصد اضايقك بكلامي بس انا مش بحب حد يرد عليا وانتي عليتي صوتك خلاص اهدي قومي يلا غيري ونامي والصبح نتكلم.
رفعت كف يدها ومسحت دموعها كالأطفال و قالت: هنتكلم في اي احنا مش اتكلمنا خلاص؟
ابتسم فارس على تلك الطفله وقال: لا لسه مخلصناش بس ارتاحي دلوقتى ونتكلم الصبح.
****************
في صباح يوم جديد استيقظت ميرال من النوم تلعن نفسها وضعفها الأمس خرجت لقيته قاعد على السفره و الفطار جاهز قلت لنفسي: مش معقول هو يكون جهز الفطار عشاني!
ذهبت وجلست بعيدًا عنه قليلًا في صمت وأخيرًا تحدث فارس: تعالي افطري انا عملت فطار ومردتش اصحيكي عشان كنتي تعبانه امبارح.
ميرال بحده وصوت مرتفع نوعًا ما: أنا مش محتاجه شفقه لا منك ولا من حد أنا أقدر اعمل لنفسي اي حاجه ومش محتاجه حاجه منك.
ترك فارس كوب الماء من يديه وظل يتجه نحوها ببرود وهي تتراجع وعلى هذا الوضع إلى أن التصقت ميرال بالحائط تحدث فارس بهدوء مخيف: أنا مش قلت قبل كده مش بحب حد يعلي صوته وهو بيكلمني انتي مفهمتيش يعني افهمك بطريقه تانيه؟
كانت ميرال في وضع لا تحسد عليه ولعنت نفسها وضعفها أمامه للمره الثانيه وكادت ان تبكي مره اخرى ولكنها تماسكت وابتعدت عنه بهدوء وقالت: مش بفهم ما أنا ميرال البنت اللي جايه من إيطاليا وكادت لتذهب ولكنها توقفت على صوته.
فارس: احنا لازم نتكلم و بهدوء وانا مقدر انك لسه مش عارفه تتأقلمي وتستوعبي الوضع اللي احنا فيه وعشان كده معاكي للأخر ومش عايز اعمل حاجه تندمنا كلنا لازم انتي كمان تقدري ده و تخلينا نتكلم.
هدئت ميرال قليلا وجلسا سويًا تحدث فارس قائلا: ميرال احنا دلوقتي نفذنا الوصيه وانا وفقت على شروطك بس عشان متفهم وضعك في الاخر والأول احنا ولاد عم لو مش هنقدر نعيش كزوج وزوجه لوقت معين لغايه ما كل واحد يروح لحاله خلينا نتعامل كأصدقاء ونبطل خناق وكمان حاجه اوعي تفكري اني ممكن استغل ضعفك ابدا بالعكس انا هبقى جنبك في كل واي وقت ولما اقدملك حاجه مش معناه اني بوصلك انك مش هتقدرى تعمليها معناه انك مسؤوله مني وانا واجبي اقدملك اي حاجه تحتاجيها ودلوقتي في اي حاجة عايزه ضيفيها يا عصبيه؟
ميرال: أنا عصبيه يا مغرور؟
فارس: كده اتفقنا انتي عصبيه وانا مغرور ثم ابتسم وقال: أصدقاء ثم اضاف سريعا من غير خناق.
ضحكا سويا وقالت ميرال: أصدقاء انا انا بس عايزاك تفهم ان انا.
قاطعها فارس ممسك بيدها وقال: انا عارف انتي هتقولي اي انا عمري مافكرت فيكي كده ولا اي حد ثم اضاف يلا عشان نفطر.
بعد مرور شهر ***********
فارس: ميرال انا جيت (الفتره دي اكتشفت ان ميرال لسه طفله الطفله اللي اتحرمت من حاجات كتير زي مقالت بالظبط هي مش محتاجه حاجه غير حد يحتويها و يحبها مبقتش البنت العصبيه المتحرره اللي جايه من ايطاليا لا دي الطفله البريئه الجميله اللي لما لبست الطرحه وبأقتناع بقت واحده تاني واجمل جانب فيها غيرتها مع ظهور بنت خالتي لورا معرفش غيرتها اي بس انا حبيتها هي وغيرتها ايوه حبيتها معرفش ازاي وامتى بس خطفت قلبي بطيبتها وعفويتها وجمال روحها انا بقيت مستعد استغنى عن كل حاجه عشانها وبقيت خايف ايوه خايف اعترفلها بحبي وتطلع مش بتحبني واخسرها كمان كصديقه عشان كده انا مكتفي بصادقتها) يا ميرال انتي فين؟
ميرال بطفوليه: جبتلي شيكولاته (بطمن عليه بالشيكولاته ايوه فارس العصبي المغرور اتغير بقا شخص تاني خالص بقا هو صاحبي واخويا وحبيبي ايوه حبيته من طريقته من احتوائه ليا من غيرتي عليه من ساعه ظهور لارا دي المسماه بنت خالته حسيت ساعتها اني فعلا حبيته من كل قلبي بقيت اطمن عليه لما يجبلي الشيكولاته عشان من ساعه معرف اني بحبها وهو كل يوم يجبهالي ولو نسي في يوم بعرف انه تعبان او في مشكله في الشغل وانا دايما بحاول على قد مقدر اخفف عنه زي ما هو بيعمل بالظبط بس انا خايفه خايفه اقوله اني بحبه واخسره كصديق كمان بقى صعب عليا ابعد عنه وكل حلمي اني اشوفه مبسوط ومرتاح اقدر اقول ان الوصيه دي كانت أجمل حاجه عملها جدي؟).
فارس: اكيد وانا اقدر انسى احلى شيكولاته لأحلى ميرال؟ فرح يوسف بعد اسبوع.
ميرال: مبروك هنروح صح ياااه بحب الأفراح اوي.
فارس: اعقلي شويه يا حبيبتي ايوه هنروح عشان يوسف عزمنا احنا وماما وبابا وخالتو واحم ولورا.
ميرال: اااه تمام وقامت لتذهب ولكنه امسك يدها وقال: مش هتكلي باقي الشيكولاته؟
ميرال ابتسمت بهدوء وقالت: هكملها بكره.
فارس: لا هتخلص دلوقتى و تقوليلي اضايقتي ليه.
ميرال: فارس لورا بتحبك وو.
فارس قاطعها: بس انا مش بحبها.
ميرال: اومال بتحب مين؟
وكأن الوقت توقف وحل الصمت وصوت العيون هو الذي يصدع
فارس: بحب واحده بس مش بحب لورا بس اللي بحبها متعرفش اني بحبها
ميرال بتوهان: قولها انك بتحبها قبل متروح منك ثم ركضت لغرفتها واغلقت الباب وقالت بصوت عالي ليسمعها: تصبح على خير العشا جاهز هنام انا.
والقت نفسها على الفراش تبكي في صمت و تخرج ما بداخلها
اما على الجانب الاخر كان فارس نادم ويحدث نفسه: غبي لي قلتلها كده حتى لو مش بتحبك ازاي تقولها وهي مراتك انك بتحب واحده
وفي نهايه الامر استسلم للنوم.
بعد مرور اسبوع*******
يوم فرح يوسف دخلت اوضتي لقيت فستان جميل اوي خدته وجريت على اوضه فارس وبدون مقدمات حضنته جامد.
فارس: كنت في اوضتي بشوف هلبس اي وانا نفسي الفستان يعجبها لقيتها بتدخل عليا بكل فرحه وبتحضني جامد قد اي هي جميله وبعدين شويه وبعدت بكل كسوف وقالت: انا اسفه مش عارفه عملت كده ازاي بس شكرا الفستان عجبني اوي.
فارس: مفيش واحده بتقول لجوزها انا اسفه لما تحضنه واحنا واحد مفيش بينا شكر اهم حاجه فرحتك دي.
ميرال: طيب انا هروح اجهز.
وذهبت سريعا لتجهز، بعد قليل من الوقت انتهو من ارتداء ملابسهم ونزلوا وذهبوا إلى حفل الزواج، كانو يجلسوا على طاوله واحده وتلك لورا بجانبهم وبعد قليل قام فارس ليجري اتصالا وذهبت لورا خلفه لاحظت ميرال غياب الاثنان وذهبت لتراهم واستمعت لهم.
لورا: انا بحبك يا فارس انت عارف انا بحبك قد اي صدقني هي مش هتحبك قدي.
فارس: انا مش هقولك تاني الكلام ده وبعد كده هيبقى ليا تصرف تاني معاكي وعشان ترتاحي انا بحبها وبحبها جدا ومش بحب غيرها وقريب هقولها اني بحبها.
حقيقي اتصدمت طلع فعلا بيحب وحده مش حسيت بنفسي غير وانا بجري وهو حس بيا وجيه ورايا لغايه ما مسك ايدي وحقيقي لهفته وخوفه عليا كانت باينه في عينه ويمكن ده اللي خلاني احبه بس هو بيحب واحده تاني محستش بنفسي غير وانا بسحب ايدي بهدوء واقوله طلقني وكملت بسرعه قبل ميفهمني غلط ومسكت انا ايده واتكلمت وانا منهاره وبعيط: ايوه انا بديك حريتك عشان تبقى مبسوط مع اللي بتحبها انت عملت عشاني كتير روح لحبيبتك واعترفلها بحبك انا هبقى مبسوطه صدقني عشان انت مبسوط ثم تركت يديه بهدوء واستدرت لأذهب ولكني توقفت بصدمه على كلمته الاخيره.
فارس: بحبك بحبك يا ميرال حبيتك حبيت عصبيتك وشقوتك وطفولتك حبيتك وحبيت كل حاجه فيكي حبيت روحك الجميله وقلبك الطيب حبيت ضحكتك اللي بتخطفني حبيت كل حاجه تخص ميرال عشان ميرال مميزه حبيتك يا ميرال حبيت البنت العصبيه المتحرره اللي جايه من ايطاليا.
ثم اتجه نحوها وامسك بيدها وقال: بتحبيني جوبي ميرال بتحبيني
ميرال بدموع: ايوه ايوه انا بحبك بحبك اوي يا فارس وكنت خايفه اقولك حبيتك من زمان اوييي عوضتني عن كل حاجه بحبك يا فارس بحبك
ضمها اليه فارس بحب وكأنها سوف تتبخر مع الهواء وقال: خلاص مفيش خوف بحبك يا طفلتي العصبيه.
ميرال: بحبك يا مغروري الحنين.
يا حبيبي مثلما لا تسطيع ان تعد نقط ماء البحر لا يوجد حد لحبي لك.
يا حبيبتي لو استطعت ان اعد طوب الأرض لن استطيع وصف حبي لكي.
لـِ حبيبه حسين"الملاك الصامت".
جريدة عقول راقية، جريدة أدبية تحتوي على الكثير من النصوص والخواطر والغرض منها هو إحياء ودعم المواهب المدفون بكل أنواعها، فلكل منا عالم آخر يناسب عقولنا فهو من صنعه بذاته.
رئيس مجلس الإدارة: أسماء ياسر
ليست هناك تعليقات:
إرسال تعليق