_نحب نتعرف عليكِ
*أسماء إبراهيم عبدالتواب اسم الشُهرة"هُنهَ"*
_اكتشفتي موهبتك إزاي؟
*من صغري كنت بحب أكتب أي شعور بحسه أو بمر بيه، وكنت بحب أكتب لصديقاتي المقربات كلام لطيف في ورق أو على منديل، وأكتر موقف أكتشفت فيه موهبتي لما جدي تُوفيّ وكانت مشاعري محبوسة ودموعي ومش قادرة أتكلم أو اتنفس، بدأت أكتب مشاعري، دا خلاني أحس براحة جدًا*
_عندك مواهب تانية غير الكتابة؟
*بحب التصوير جدًا وشاطرة فيه، أما حاليًا بتعلم الألقاء*
_مين هو الداعم ليكي؟
*ماما أول واحدة بتدعمني هى وبابا وصديقاتي المقربات*
_مين هو قدوتك في الكتابة؟
*الكاتب الرائع أحمد خالد توفيق، والكاتبة العظيمة حنان لاشين، وطبعًا كاتبنا العظيم الرائع نجيب محفوظ والعقاد بعشق أسلوبهم جدًا*
_بتواجهي الإنتقادات ازاي؟
*التجاهل وعدم الاكتراث، والسعي لتحقيق المزيد من التقدم والنجاح في مجال الكتابة، وفي بعض الانتقادات بتكون مفيدة باخد بيها عشان أطور من نفسي أكتب وأنجح أكتر وأكثر*
_ماهي الصعوبات التي واجهتك؟
*أنا متزوجة ومعايا أطفال، وعليا مسؤوليات كتير بجانب الكتابة اللي محتاجة هدوء وتركيز وجو مريح، ودا ضغط عليا جدًا ولكن الله المستعان*
_اتركِ رسالة منك للمبتدئين
_لو قدامك حلم أو هدف أسعى عليه، واستعن بالله ولا تعجز وقاوم كل الصعاب وعافر لتحقيق ذاتك وهدفك_
جريدة عقول راقية، جريدة أدبية تحتوي على الكثير من النصوص والخواطر والغرض منها هو إحياء ودعم المواهب المدفون بكل أنواعها، فلكل منا عالم آخر يناسب عقولنا فهو من صنعه بذاته.
رئيس مجلس الإدارة: أسماء ياسر
ليست هناك تعليقات:
إرسال تعليق