"حكاوي جدتي" |"جريدة عقول راقية

حكاوي جدتي!

الكاتبة: إسراء رمضان.

قالت إحداهن: لا وجود للحب، ما هذا الذي تتحدثون عنه أيها الجيل الفاشل، ما معنى أنا أحبك وأنا أعشقك؟

بل يوجد شيء اسمه "العشرة"، العشرة الطيب اللي بيني وبين زوجي، المودة والرحمة المتبادلة بينا، دائمًا فاكرني وبيهتم بيا، وانا كمان بهتم بيه وبريحه،

يكون واعي وعارف إني وصية رسول الله، اسمع كلامه من غير ما أعصيه، أصحيه الفجر ونصلي مع بعض، ويوم ما نتخانق يكون بسبب أنه صلى الفجر من غيري، العشرة الطيبه لما تكوني زوجة صالحة وبيتك هو أول اهتماماتك، وأهله هما أهلك، سرك جوه بيتك ميخرجش من أوضتك، ولا تسمعي لل قيل ولا قال، تكوني راضية باللي ربنا كتبهولك ومتطلبيش منه فوق طاقته،

تكوني ست بيت عاقلة تقدري توفقي بين كل حاجه في حياتك،

ومش معني كلامي إن كده مفيش حب؟

لا يابنيتي بل بالعكس هو ده الحب اللي بجد اللي ربنا وصانا بيه، حب الزوجة لزوجها والعشرة اللي بينهم اللي بتبدأ بأول يوم زواج.

الحب هو السند والظهر اللي وقت ما أميل هتسند عليه، الحب هو الأمان اللي هلجأ له في وقت ضعفي، هو اللي عمري ما احس بالخوف وانا معاه، هو السكن والمسكن اللي هعيش جواه مرتاحة.

هو حبيبي وزوجي وأخي وصديقي ورفيق دربي.

اللهم احفظنا وارضنا وأرضَ عنّا.