- أنا مين؟
- أنا واحد من مليون
- صاحب صاحبه و مش مندوب
- راضي بقسمتي و بالمكتوب
- أنا اللي في تفاصيل الحياة بدوب
- بفرح وقت ما السما فاضية او مليانة نجوم
- او وقت المطر و سحاب و بحب منظر الغيوم
- أنا مين؟
- أنا واحد من مليون
- عايش على كوكب من الكون
- أفكاري ملحمة بكذة شكل و لون
- بشوف حلمي بتليسكوب
- أنا فيا عيب و يمكن عيوب
- بس بتضحك و للناس محبوب
- متردد و متشتت بس في الاخر بتترتب
- و بعرف احكي قصتي بصوت و حركة و بعرف اكتب
- أنا مين؟
- أنا واحد من مليون
- حلمه اول خطوة في سلمة نهايتها المليون
- أنهاردة في مكان بعيد و بكرة عنه ابعد ببعيد
- لو مكنش عندي حلم حقيقي كنت كملت نوم
- مهو يا نعيش للحياة يا نعيش للموت
- عيش ناشف مبلول باكله و في دماغي طعم و شكل التوت
- أنا مين؟
- أنا واحد من مليون
- ملعون بفكرة الهروب
- جوايا حاجات شايلة جواها حاجات بالكوم
- بس حاسس اني مقسوم
- ياما نفسي اعيش ملهم و مهم
- يكون ليا ناس تشبهني و اكون منهم
- حملي في محاضرة و ألف سؤال
- روائي او استاذ او دكتور او مسؤل
- أنا مين؟
- أنا واحد من مليون؟
- عارف وشوش و عارف دول و دول
- فكل حتة من الأهرامات لمحافظة قنا
- مش هعرف اشكر لمحبتكم لو هكتب سنة
- أنتوا مني ونا منكم، انتوا جوا قلبي هنا
- أنا مين؟
- أنا واحد من مليون؟
- كائن عشوائي و مش بحب الروتين
- مش ثابت و بتنقل من هنا ل هنا
- بحب أي جميل لو صدفة
- ده حب الجميل للجميل صدقة
- أنا كل حاجة تلاقيها كأني مراية
- أنا جوه حكايتي ألف حكاية
- لو شاء القدر تنكتب رواية
- أنا مين؟
- أنا واحد من مليون؟
- بكلمة طيبة ببقى قريب
- لو بعدت سنين ببقى كمان قريب
- هي هي ملامحي و مش بتغير في صفاتي
- عشيتي هي هي و عاداتي و لسه عشوائي
#حسام_تاج
انا مين
انا واحد من مليون؟
جريدة عقول راقية، جريدة أدبية تحتوي على الكثير من النصوص والخواطر والغرض منها هو إحياء ودعم المواهب المدفون بكل أنواعها، فلكل منا عالم آخر يناسب عقولنا فهو من صنعه بذاته.
رئيس مجلس الإدارة: أسماء ياسر
ليست هناك تعليقات:
إرسال تعليق