حديث بيدور بين إتنين أصحاب
محمد: ها يا صاحبي مش ناوى تفوق وترجع عن الطريق ال أنت ماشى فيه دا
أحمد : والشيطان عمى عنيه ماله الطريق دا فله يسطا وبس اسكت بقى ومضيعش الدماغ ال أنا عاملو دى دماغ متكلفه
محمد : يا أحمد يا حبيبي أنا خايف عليك محديش ضامن عمره فينا استهدى بالله كدا وإرجع عن الطريق دا
أحمد : بقولك ايه متقرفنيش وتعمل فيها سدنا الشيخ
محمد: صدقتى القرب من ربنا ليه طعم تانى والله حياتك هتتغير وهتكون إنسان تانى كإنك اتولدت من جديد
أحمد : دا كان زمن ممكن ينفع إنما دلوقت خلاص أنا مفيش ذنب معملتوش زى ما الناس بتقول أنا خاربها ومقطع السمكه وديلها
محمد: ومن قال كدا بس ياض أفهم بس نفسى أعرف أنت عندك مخ زى البنادمين ولا عندك بطاطس محمره ربنا عزوجل وجل هيقبل منك توبتك مهما ما عملت من ذنوب المهم أنك ترجع عنها ونستغفر ربنا وتعاهد نفسك انك مش هتعملها تانى وربنا قائل في كتابه الكريم قابل التوبة وغافر الذنب شديد العقاب
أحمد: نفسه الاماره بالسؤ مسيطره عليه ماشى بس أنا لسه صغير والعمر قدام لسه لما أكبر هتوب ان شاء الله
محمد: انت يا أحمد محديش ضامن عمره ولا عارف هو هيموت امتى وبعدين ملك الموت مش هيساذن منك ويعرف أنه جي يقبض روحك ربنا يرزقنا جميعا بحسن الخاتمة
أحمد : يا عم فكك منى وأنا قايم أصلا وهامشى ومش قاعدلك فيها
محمد : ربنا يهديك يا صاحبي
بعد نص ساعه فى مكالمة بتجى لمحمد الو استاذ محمد معايا ايوا انا مين معايا حضرتك اخر شخص أستاذ أحمد كلمه وهو عمل حادثه ومات والبقاء لله والمفروض أن حضرتك تجى تخلص الإجراءات
محمد اتصدم مش بيرد الو استاذ محمد حضرتك معايا
محمد : انا مش مصدق ال حصل كان لسه معايا من نص وكنت بكلمه وكنت بقوله إرجع لطريق ربنا وهو قال لاء أنا العمر قدامى لسه وعمره ضاع وهو واقف مكانه مقدرش ياخد خطوة أنه يقرب من ربنا
جريدة عقول راقية، جريدة أدبية تحتوي على الكثير من النصوص والخواطر والغرض منها هو إحياء ودعم المواهب المدفون بكل أنواعها، فلكل منا عالم آخر يناسب عقولنا فهو من صنعه بذاته.
رئيس مجلس الإدارة: أسماء ياسر
ليست هناك تعليقات:
إرسال تعليق