رقية/ بقا انا رقية هانم محمد بيه يتعمل فيا كدا بقا انا اتغفل كدا
روان/ سلام قول من رب رحيم في ايه يا بنتي داخلة بزعابيبك ليه كدا علي الصبح
رقية/ في مصيبة يختي علي دماغك انتي وهي
مليكة/ الله وانا مالي انا يا لمبي ثم افهم ايه هي المصيبة وبعد كدا نحدد هتقع علي دماغنا ولا لا
رقية وهي بتشد كرسي وتقعد / مفيش لاقيت نبع الحنان الصبح داخلة عليا وبتقولي في عريس متقدملك
مليكة / وايه الجديد فين المصيبة مااحنا هنطفشه زي اللي قبلة عادي
روان / اؤيد راي مليكة فين بقا الحوار
رقية/ ايه با بت منك ليها النباهة دي ماهو لو كان الموضوع علي قد عريس ويطفش مكنتش اتشليت زي دلوقتي
روان/ طاب بقولك ايه عشان هي مرارة واحدة انجزي وهاتي اللي عندك كله
رقية/ ماشي يختي هجيب كله عشان مطقش
طبعا بعد ماما قالتلي كدا الرد الطبيعي أن مش مواقفة تقوم الحاجة قيلالي انا مش باخد رايك والعريس جاي يوم الجمعة وهتقعدي معاه ورجلك فوق رقبتك وانا سيبتك براحتك ودلعتلك كتير وكلام انا نفسي مش مستوعباه لحد دلوقتي طبعا أنا شطت وقومت الدنيا وهي راسها والف سيف لازم اشوف العريس نيجي بقا للشلل بسالها اسم عريس الندامة ايه تقولي مش هتعرفي اسمه عشان متعرفيش تتطفشيه
روان/ هو مصيبة فعلا انتي مبتكدبيش
مليكة/ امك شكلها اعلنت الحرب وسنت السيوف
رقية/ بقا انا رقية حاصلة علي درع الذهبي في تطفيش العرسان يتعمل فيا كدا داهو امه داعية عليه في ساعة استجابة عريس الغفلة دا بقولكوا ايه لازم تشوفولي حل اطفشه بيه
مليكة/ اهدي كدا يا منار ثم هنطفش واحد منعرفش لا اسمه ولا شكله ولا اي حاجة خالص كدا يعني انتي شيفانا ساحر هل انتي شيفانا ساحر
روان/ انا بقول نسيبنا من الهزار ونتكلم جد بقا
اولا كدا بما ان طنط عملت كدا يبقا هي مش هترجع عن اللي في دماغها لو عملتي ايه حتي اسم العريس مش هنعرف نوصله
ثانيا حضرتك رافضاه من قبل ما يجي اصلا ومش طيقاه
يبقا مقدمناش غير حل واحد
رقية ومليكة/ ايه هو
روان/ تقعدي مع العريس يوم الجمعة ومن قبل ما تتعصبي والجنونة تقوم دا انسب حل ومفيش غيره واهو تبقي ريحتي طنط وقعدتي مع العريس ومن الجهة التانية تطفشي العريس وش لوش
مليكة/ يابنت الايه يا لذينة شابو والله
روان/ شكرا شكرا دعونا نعمل في صمت
رقية / هي فكرة حلوة بس تفتكري هتنجح ومش هتدبس ثم ان انا مش هتجوز غير واحد في مستوي تفاهتي وعلي العهد يا رجالة
روان / ماشي يا ست التافهة سبيها لله بس ومتنبريش فيها واحنا هنبقا معاكي وكدا كدا يوم الجمعة مش بعيد كلها يومين يعني
رقية/ تمام ربنا يستر
استوب بقا كدا رغيت كتير ونسيت اعرفكوا بنفسي انا رقية محمد اتخرجت من صيدلة السنة اللي فاتت والدي محمد راغب مستشار في النيابة العامة ومامتي جيهان محمود دكتورة نفسية ودول روان ومليكة أصحاب من حضانة وعمرنا ما اتفرقنا عن بعض حتي دخلنا نفس الكلية عشان نبقا مع بعض وانشاء الله مكملين طول العمر
نرجع بقا تاني
يوم الجمعة الصبح رقية لسة نايمة
مامتها/ رقية رقية قومي يلا عشان تفطري ولسة ورانا يوم طويل قومي يلا يا بنتي ايه بقالك قرن منمتيش
رقية/ استغفر الله يارب ايه يا ماما يا حبيبتي مالك على الصبح سبيني انام هخطف حلم سريع وارجع
مامتها/ ولا حلم سريع ولا حلم قريب قومي يلا بلاش كسل والا والله هناديلك بباكي
رقية/ لا خلاص هقوم ببرطمة ايه ياربي حتي النوم مش متهنية عليه
قامت رقية خدت دش واتوضت وصلت وخرجت تفطر لاقت بباها علي السفر
رقيةوهي بتبوس خد باباها/ سعادة المستشار صباح الفل علي عيونك
باباها/ صباح الفل علي عيونك يا حبيبة بابا ايه شايف حالة طوارئ في البيت ومناوشات بينك وبين ماما علي الصبح
رقية/ مش فاهمة أنا مكبرة الموضوع اكن رئيس الجمهورية جاي بقولك ايه ماتيجي اجوزك غيرها
مامتها/ سمعاكي يام لسان طويل واتلمي
رقية / مامتي حبيبة قلبي دانا بقوله عمرك ما هتلاقي زي ماما ابدا ملاك كدا في نفسها ولا ايه يا بابا
باباها وهو بيضحك/ طبعا طبعا
مامتها/ لا والله انت وهي دا علي اساس اني مش سامعة المهم يلا افطروا عشان ورانا يوم طويل
رقية في سرها/ ربنا يستر أنا قلبي بيدق اكني داخلة امتحان ثانوية عامة مش عارفه في ايه اجمدي يا رقية عريس وهيطفش عادي يعني
شوية ومليكة وروان جم وبعدها عدي الوقت بسرعة
رقية وهي في اوضتها بعد ما لبست وعمالة راحة جاية
روان/ في ايه يا بنتي حولتيني ايه التوتر دا اشحال لو مكنتيش داخلة تتطفشي الراجل
مليكة/ اهدي كدا يا بنتي دي زي شكة الدبوس
رقية/ وربنا ههخبطك انتي وهيا باي حاجة انا علي اخري ومتوترة اول مرة اتحط في موقف زي دا علي بطفشهم من برة برة
لسة هيردوا عليها مامتها دخلت
مامتها/ يلا يا روكا عشان بابا والعريس مستنيك في الصالون
رقية/ هو العريس دا مالوش اسم يعني مجهول الهوية افهم بس
مامتها/ لا يالمضة ليه اسم وهتعرفيه اما تقعدي معاه
رقية / ربنا يصبرني يارب عشان مرتكبش جناية وخرجت مع مامتها
واصحابها بيعملولها علامة النصر
باباها/ منورنا والله يا بني
العريس/ دا نورك يا عمي البيت منور باصحابة
تك تك تك
باباها/ اتفضل دي اكيد العروسة
مامتها / السلام عليكم ورحمه الله ازيك يابني عامل ايه
العريس / الحمد لله يا مدام جيهان حضرتك عاملة ايه
مامتها/ الحمد لله يا حبيبي فضل ونعمة تعالي يا رقية سلمي
رقية وهي علي اخرها ومكسوفة وحجات كتير كدا / السلام عليكم
باباها والعريس وعليكم السلام ورحمه الله وبركاته
وبعد فترة من الكلام
باباها / نسيب العرسان يقعدوا مع بعض شوية عشان يتعرفوا علي بعض وهنقعد قريب منكوا هنا وخد مامتها وخرجوا
رقية وهي حاسة ان جردل ماية سقعة وقع فوق دماغها / كل اعوانك خانوك يا هلتر حتي امي وابويا
العريس/ ازيك يا انسة رقية
رقية/ كويسة
العريس/ دائما بخير وانا الحمد لله كويس
رقيةوهي بترفع عينها ليه / افندم
وفجاءة سرح
ايه دا ايه العريس القمر دا شكلي هغير راي ايه دا استرونج يا رقية هو عشان حليوة وقمر تتراجعي ابدا
العريس / منا قولت انك مقولتليش ازيك قولت اوفر عليكي بصي انا مش بتاع لف ودوران وعارف انك مش طيقاني اصلا من قبل مااجي واولا بعتذرلك علي جو اللهو الخفي اللي انا عملته دا بس دي الطريقة الوحيدة اللي تنفع معاكي بس انا هيريحك يا ستي انا يزن سراج مهندس معماري وعندي ٢٩ سنة والحمد لله عندي شركتي أينعم لسة مش كبيرة اووي بس املي في ربنا ان اكبرها والحمد لله بصلي وعارف ربنا وحافظ كتاب الله دي المعلومات العامة ليا إنما لو حابة تسالي حاجة تانية انا معاكي
رقية / والله هو كل دا كلام جميل بس بماان حضرتك عارف اني سوري يعني مش طيقاك يبقا اكيد عارف اني مش هوافق فلازمتها ايه الاسئلة
يزن/ لا ماهو انتي هتوافقي بعون الله عشان انا طلع عين اهلي نفر نفر عشان اوصل للقعدة اللي مستنيها بقالي ٣ سنين
رقية بصدمة/ ٣ سنين ايه انت تعرفني اصلا ثم جايب منين الثقة دي
يزن/ دا موضوع يطول شرحة بس باختصار اها انا عارفك من ٣ سنين لان مكان الشركة بتاعتي قدام الكلية عندك ومن هنا شوفتك وحبيتك اما بقا جايب الثقة منين فهي ثقة في ربنا سبحانة وتعالي دا اولا ثانيا لانك مش هتلاقي حد زي ولوفي هولع فيه عادي اها انا بغير علي الحريم بتوعي
رقية/ ايه ايه حضرتك هو ايه اللي مفيش حد زيك دا وغيرة وحريم مين اللي بتوعك
يزن/ بغض النظر عن انك سبتي اول الكلام ومسكتي في الاخر واها انك الحريم بتوعي واها مفيش حد زي يعني واحد حافظ كتاب الله وعارف ربنا وبيحبك وفي التفاهة معندوش ياما ارحمني والحمد لله واخدة الكاس الذهبي في الكارتون في الاخر ترفضي والله دا يبقا عيب علينا
رقية ايه دا ايه دا انا شكلي هتراجع هو انا تراجعت خلاص
رقية / يا سلام وانا ايش ضمني ان دا حقيقي يعني
يزن / اسالي وانتي تشوفي
رقية / تمام من يسكن البحر ويحبه الماء
يزن/ اسبونج بوب اسكوير بانتس
رقية/ لما الحياة تشكرلك تعمل ايه
يزن/ عوم واتمخطر عوم واتمخطر مخطر مخطر
رقية/ اقولك علي سر
يزن/ انا اللي قتلت موفاسا
رقية/ يماما انا موافقة هاتوا الماذون
وبعدها يزن ورقية اتجوزوا وخلفو ولد وبنت تؤام حمزة و ماسة
وروان اتجوزت ظابط زميل اخوها وخلفت سليم
ومليكة اتجوزت دكتور وخلفت حور
وفي النهاية يوم تيجي تختاري اختاري حد يرسم الضحكة علي وشك طول الوقت ويكون سند ليكي في الدنيا عشان الموضوع مش مجرد دبلة وفستان وفرح لا دا حياة هتكملوها سوا بحلوها ومرها
جريدة عقول راقية، جريدة أدبية تحتوي على الكثير من النصوص والخواطر والغرض منها هو إحياء ودعم المواهب المدفون بكل أنواعها، فلكل منا عالم آخر يناسب عقولنا فهو من صنعه بذاته.
رئيس مجلس الإدارة: أسماء ياسر
ليست هناك تعليقات:
إرسال تعليق